Një sulm ka ndodhur në një shkollë në Gjermani ku për pasojë janë plagosur dy vajza të mitura. Autor është një burrë. Skena tronditëse u shënua në Illerkirchberg, në jug të Ulm, në Baden-Wuertteberg.
Sipas Bild, dy adoleshente të moshës 13 dhe 14 vjeç u dërguan në spitalin e urgjencës me lëndime të rënda.
Sulmi ndaj dy tyre ndodhi gjatë rrugës për në shkollë.
Agresori iku në një qendër pritjeje refugjatësh menjëherë pas kësaj, por është e paqartë nëse ai jetonte në ndërtesë.
Policia ka rrethuar vendin dhe nuk ka lejuar askënd të largohet, duke u ndalur me sa duket edhe sulmuesi. Hetimet janë në vazhdim.
