“Nuk doja ta vrisja, doja ta frikesoja duke e qëlluar në këmbë“ ka deklaruar një 32 vjeçar shqiptar në policinë greke i akuzuar për ekzekutimin e avokatit të njohur grek, Mihalis Zafiropulos.
Policia thotë se është identifikuar edhe personi i dytë që mori pjesë në vrasje. Avokati greke u ekzekutua mbrëmjen e 12 tetorit në zyrën e tij në Athinën qendrore.
Autorët kishin hyrë në zyrën e avokatit duke u prezantuar si klientë. Mësohet se policia ka sekuestruar kamerat e dyqaneve dhe kontrollit të trafikut në zonë. Zafeiropoulos ishte një avokat i njohur penal dhe djali i ish deputetit të Demokracisë së Re Nondas Zafeiropoulos. Vrasja e tij nxiti një reagim nga partitë politike të Greqisë.
