Detaje të reja janë zbardhur, nga shpërthimi me tritol që ndodhi në orët e para të mëngjesit të sotëm në Sarandë.
Mësohet se, Lefter Lefteri alias Afez Kulla, 54-vjeçari që iu tritoli në derën e shtëpisë ka punuar në administratën publike.
Gjithashtu mësohet se Lefteri është kallëzuar në Policinë e Sarandës për një ndërtim pa leje në lagjen nr.1, ku dhe banonte.
Por, nuk dihet nëse puna në administratë apo ndërtimi pa leje, kanë qenë shkaqet e vendosjes së lëndës plasëse në derën e shtëpisë së tij.
Ngjarja ndodhi rreth orës 04:45 minuta. Në banesën 3-katëshe ku u vendos eksplozivi jetonte familja prej 4 anëtarësh e 54-vjecarit, por asnjëri prej tyre nuk është lënduar. Nga shpërthimi ka vetëm dëme materiale.
