Një ngjarje e rëndë ka tronditur Britaninë e Madhe, pasi një vajzë 16-vjeçare ka ndërruar jetë pasi mori një pilulë me një substancë të panjohur në një klub nate në Exeter.
Shërbimet e urgjencës janë thirrur në klubin e natës “Move” në orët e para të mëngjesit.
Oficerët e policisë së Devon dhe Cornwall besojnë se pilula e përdorur nga e reja përmbante ekstazi ose LSD.
Vajza u dërgua në spitalin Royal Devon & Exeter ku u shpall e vdekur.
Një 16-vjeçar nga zona e Exmouth u arrestua me dyshimin se kishte të bënte me furnizimin e një droge të klasit A dhe u dërgua në paraburgim.
Policia beson se një numër adoleshentësh i kanë marrë tabletat që përmbajnë substanca të panjohura.
Inspektori Lee Nattrass tha: “Ne kemi identifikuar tashmë disa adoleshentë që raportuan se kishin marrë drogë, por ne do të nxisnim këdo tjetër që është ndier keq si pasojë të kërkojë ndihmë mjekësore dhe të na kontaktojë. Ne kemi parë herë pas here që këto substanca mund të vrasin dhe kemi një tjetër rast tragjik në duart tona”.
