Një çantë e braktisur shkaktoi panik tek qytetarët në terminalin e Portit të Durrësit.
Menjëherë në vendngjarje kanë mbërritur forcat geniere, zjarrfikëset dhe autoambulanca, por mesa duket shqetësimi ishte i kotë pasi raportohet për një alarm të rremë.
Punonjësit e sigurisë kanë pikasur një çantë të zezë që brenda kishte…raki.
Njoftimi i plotë:
“Sqarim i Drejtorisë Vendore për Kufirin dhe Migracionin Durrës
Në lidhje me një lajm të publikuar në media, për një alarm për bombë në portin e Durrësit, ju bëjmë me dije se:
Në Portin e Durrësit nuk ka alarm për bombë.
Mbrëmjen e djeshme, një qytetar që udhëtonte drejt Italisë, ka harruar bagazhet në Portin e Durrësit dhe ka vijuar udhëtimin drejt Italisë. Policia, sapo ka konstatuar valixhet, ka kryer të gjitha procedurat standarde të verifikimit dhe ka rezultuar se në valixhe kishte veshmbathje, ushqime dhe sende të tjera personale të qytetarit”.
