Një ngjarje e rëndë është regjistruar mesditën e sotme në ambasadën e Ukrainës në Madrid.
Sipas një komunikimi për shtyp të Ministrisë së Brendshme spanjolle një shpërthim ka ndodhur në ambasadë duke plagosur të paktën një person.
Ndërkohë, mediat vendase raportojnë se një punonjës i ambasadës ka mbetur e plagosur teksa hapte një zarf, i cili i ka shpërthyer në duar.
Dyshohet se brenda zarfit ka pasur lëndë plasëse që është aktivizuar menjëherë pas hapjes së tij.
#BREAKING. In #Madrid, #Spain, media report an explosion at #Ukraine‘s embassy to Spain. One person was reportedly injured.
This is a developing news story, so details have potential to change.https://t.co/g0kP8Srcx3
— Alex Kokcharov (@AlexKokcharov) November 30, 2022
Ngjarja është konfirmuar edhe nga zëdhënësi i Ministrisë së Jashtme të Ukrainës Oleg Nikolenko.
“Gjatë kontrollit, zarfi ka shpërthyer në duart e komandantit. Komandanti ka marrë lëndime të lehta, tani ndodhet në spital, po i ofrohet ndihma e nevojshme mjekësore. Nuk ka asnjë kërcënim për jetën e tij”, ka shkruar ai në Facebook.
Pjesa tjetër e stafit të ambasadës nuk u lëndua.
Zarfi, sipas Efes, i është drejtuar ambasadorit, por nuk është skanuar dhe është hapur nga roja i sigurisë në kopshtin e ambasadës. Ka qenë vetë Ambasada që ka njoftuar Policinë për ngjarjen rreth orës 13:15.
Pas njoftimit, një njësi anti-eksploziv është aktivizuar në Ambasadën e vendosur në Ronda de la Abubilla, e përbërë nga specialistë të Tedax dhe qenë që zbulojnë lëndë plasëse , të cilët po punojnë duke analizuar zarfin dhe duke kërkuar për më shumë eksplozivë të mundshëm.
