Pas 19 ditësh, bordi i krijuar me vendim qeverie për vendosjen e çmimeve të karburanteve, ka njoftuar këtë të Martë tarifat e reja.
Sipas vendimit të bordit, nafta do të shitet në pompa nga nesër me 206 lekë/litri, 6 lekë më pak se aktualisht.
Benzina 191 lekë/litri, 3 lekë më pak se tani, ndërsa gazi 71 lekë/litri.
“Çmimet e caktuara nga Bordi do të hynë në fuqi në datë 30 Nëntor, ora 12.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes”, thuhet në njoftim.
