Moti i keq ka goditur rëndë Ischian dhe rajonin e Campanias në Itali, duke i marrë deri më tani jetën 4 personave.
Viktima e katërt është konfirmuar rishtazi dhe është shkaktur nga rrëshqitja e dheut në Casamicciola, ku më parë u gjendën të pajeta një grua e moshuar, një vajzë e re dhe një grua 31-vjeçare.
Viktima e katërt e përmbytjes u gjurmua në rrugën Celario nga ekipet e shpëtimit dhe për momentin nuk është identifikuar.
Në ishull, njerëzit vazhdojnë të gërmojnë në baltë për të gjetur banorët që janë ende të zhdukur.
Katër të plagosur dhe mbi 150 persona të evakuuar është panorama e rëndë e motit të keq.
Këshilli i Ministrave ndërkohë ka përfunduar mbledhjen në “Palazzo Chigi”, duke shpallur gjendjen e jashtëzakonshme.
Ndërkohë moti i keq vazhdon dhe alarmi portokalli mbetet aktiv në Campania, Kalabri dhe Sicili, ndërsa i verdhë është në Basilicata.
