Dita e diel do të sjellë ulje drastike të temperaturave ku në disa zona pritet të arrijnë deri në -3 gradë Celsius.
Dita e nesërme pritet të sjellë rrebeshe shiu dhe reshje dëbore në të gjithë territorin.
Parashikohet që verilindja dhe juglindja të kenë intensitet të lartë të reshjeve të dëborës, ndërsa pjesa tjetër e territorit do të jetë nën “pushtetin” e shiut.
Për shkak të rrymave të ftohta ajrore që do të pushtojnë vendin tonë nga veriu dhe lindja, temperaturat minimale do të zbresin deri në -3 gradë Celsius në zona si Peshkopia dhe Bulqiza, ndërsa ato maksimale do të shënohen në Vlorë dhe Sarandë duke arritur gjatë ditës deri në 7 gradë Celsius.
