Reshjet/ Mësimi i pezulluar dhe nesër në 14 shkolla

Mësimi do të jetë i pezulluar në disa shkolla në Shkodër edhe për ditën e nesërme.

Vendimin e ka bërë me dije Ministria e Arsimit që argumenton se në zonën e Shkodrës ka ende vështirësi në infrastrukturën rrugore.

“Për këtë arsye në 14 shkolla ku mësojnë 210 nxënës, mësimi do të pezullohet edhe për ditën e nesërme. Nga këto shkolla vetëm njëra prej tyre është shkollë qendër, ndërsa 13 të tjerat janë shkolla vartëse”, njofton ministria.

Shkollat ku pezullohet mësimi nesër:

1. Shkolla “Mehmet Shpendi”, Shalë
2. Shkolla “Theth”, Shalë
3. Shkolla “Gimaj”, Shalë
4. Shkolla “Dom Prek Ndrevashaj”, Shosh
5. Shkolla “Palaj”, Shosh
6. Shkolla “Nicaj”, Shosh
7. Shkolla “Kir”, Pult
8. Shkolla “Kasnec” , Pult
9. Shkolla “Pog” , Pult
10. Shkolla “Bruçaj”, Pult
11. Shkolla “Plan” , Pult
12. Shkolla “Maja e Thanës” , Pult
13. Shkolla “Xhan”, Pult
14. Shkolla “Kuc”, Pult

“Strukturat tona arsimore vijojnë të jenë në kontakt të vazhdueshëm me bashkitë dhe shtabet e emergjencave të ngritura nëpër qarqe. Ndërkohë, Ministria e Arsimit do të marrë të gjitha masat e nevojshme për zëvendësimin e orëve të humbura në javët në vijim”, njofton MSH.