Një tragjedi e vërtetë ishte ajo që ndodhi dje në Bogë të Malësisë së Madhe, ku prurjet e furishme të përroit Shkrel morën përpara makinën e Pjetër Rrushajt, teksa 48-vjeçari udhëtonte me të birin dhe vajzën.
Forcat RENEA, FNSH dhe banorët e fshatit Theth u angazhuan në gjetjen e babë dhe bir që u zhdukën në vendin e quajtur “Grykë Lugje”.
Pavarësisht terrenit të vështirë dhe errësirës kërkimet nuk u ndalën për 16 orë, por fatkeqësisht të dy u gjetën të pajetë.
Ndërkohë janë publikuar edhe fotot e viktimave, ku Pjetër Rushaj shihet përkrah të birit Jason Rushaj, 13 vjeç.
Ato po udhëtonin me makinë gjatë kohës kur vendi u përfshi nga rrebeshe shiu dhe humbën kontaktet.
Fatmirësisht nga makina që u përpi nga uji, arriti të dalë e gjallë vajza e familjes Rrushaj.
