Pronari i ri i Twitter, Elon Musk ka deklaruar se profili i Donald Trump në rrjetin social është riaktivizuar, pas një sondazhi në të cilin një shumicë e vogël përdoruesish mbështeti lëvizjen.
“Njerëzit folën”, tha Musk, sipas të cilit 51.8% e mbi 15 milionë përdoruesve të Twitter votuan pro riaktivizimit.
Por ish-presidenti amerikan mund të mos kthehet në platformën online, pasi më herët ka deklaruar se, nuk sheh ndonjë arsye për ta bërë këtë.
Kujtojmë se profili i tij u pezullua në 2021-shin për shkak të rrezikut të nxitjes së dhunës.
