Sfida hapëse e Kupës së Botës Katar-Ekuador, u zhbllokua menjëherë, me avantazhin e formacionit amerikano-jugor të firmosur nga Enner Valencia, një goditje me kokë nga një goditje tjeter e shokut te tij me biçikletë, pas një dalje të gabuar të portierit katariot.
Por, VAR-i ndërhyri, duke sinjalizuar pozicionin e golashënuesit dhe duke e shtyrë Orsaton të anulonte golin qe erdhi qe pas vetem 3 minutash loje. Dhe pikerisht duket sikur fati e perndjek për mirë Enner Valencia. Sepse, disa minuta më pas, më saktësisht në minutën e 16-të, Enner Valencia ka shënuar nga pika e bardhë e 11-te metërshit.
Valencia ndan në dysh mbrojtjen e Katarit, hyn në zonë dhe rrëzohet nga Al Sheeb. Aksioni vazhdon por Orsato, pasi sheh që avantazhi nuk është realizuar, cakton dënimin maksimal për skuadrën trengjyrësh dhe i jep karton te verdhe portierin vendas.
Nga pika e bardhë prezantohet pikerisht Enner Valencia qe nuk gabon dhe nga krahu i majte i portierit shënon lehtësisht duke festuar më pas! Këtë herë nuk ka VAR qe të shmangë festën e futbollistit te Fenerbahces.
