Një automjet është djegur orët e para të mëngjesit të kësaj të Shtunë në Lezhë. Mësohet se mjeti i përket biznesmenit Ndue Pjetrushi (Noshi), i cili ushtron aktivitet në fushën e hidrokarbureve.
Automjeti ndodhej i parkuar buzë rrugës para vilës 3-katëshe kur u përfshi nga flakët. Ngjarja ndodhi rreth orës 4 të mëngjesit.
Një hetim ka nisur për zbardhjen e ngjarjes. Dyshimet paraprake janë se automjetit i është vënë flaka.
“Rreth orës 04:00, në Ishull Shëngjin, është konstatuar duke u djegur mjeti tip “Benz”, në pronësi të shtetasit N. P. 66 vjeç, banues në Lezhë. Mjeti ka qenë i parkuar në anë rruge dhe për pasojë është djegur plotësisht. Grupi hetimor vazhdon veprimet hetimore për zbardhjen e plotë të rrethanave të ngjarjes si dhe përcaktimin e shkakut te djegies”, njofton policia.
Lexo edhe:
Biznesmeni që iu dogj makina: S’jam njeri i problemeve, shteti të bëjë punën e tij
