Deputeti i Partisë Demokratike, Sajmir Korreshi u është bashkruar sot banorëve të Divjakës në protestën kundër vendosjes së traut në hyrje të Parkut Kombëtar Divjakë- Karavasta.
Korreshi thotë se protesta do të vijojë derisa të përfundojë çmenduria e ministrisë. Ai thekson se protesta nuk ka ngjyrim politik dhe shton se të pranishëm duhet të ishin edhe deputetët e maxhorancës.
“I përshëndes se po bëjnë një protestë të drejtë. Të hysh në një plazh publik, nuk ndodh që të taksohet. Kjo është e vetmja rrugë që ka akses për plazhin publik. Edhe pse taksë ka marrë bashkia, tani po merr dhe qeveria. Ka moskordinancë. Është çmenduri e radhës që po ndodh në këtë vend. Duhet të ishin në këtë protestë dhe deputetët e maxhorancës. Shoh këtu banorë që kanë votuar majtas. Sot që është ditë e premte, duhet ë ishin të gjithë këtu. Në momentin kur është nevoja, që këta qytetarë të kenë nga të gjitha krahët e politikës, për t’i dhënë zgjidhje. Kjo dëmton gjithë qytetarët, Divjakën. Të gjithë fukarenjtë këtu vinë të bëjnë plazh, nuk ikin dot në Dhërmi. Vijnë ata që s’kanë mundësi të ikin të paguajnë 30 mijë lekë, që të çojnë dy ditë plazh fëmijët dhe në fund të thonë. Do vijojmë deri sa të bëjë mbrapsht qeveria”, tha Koreshi.
Korreshi ka deklaruar gjithashtu se vendimi i ministrisë për të përjashtuar nga tarifa e Parkut të Divjakës banorët nuk është funksionale pasi nuk ka asnjë formë për të verifikuar se kush është rezident dhe kush turist.
“Po ne që jemi nga Lushnja se kjo pjesë e Lushnjës ka qenë, po fukarenjtë që nuk shkojnë dot në Palasë e në Dhërmi dhe këtë do ua taksojnë? Ministrja të vijë ta shikojë njëherë këtë Parkun e Divjakës” – tha Korreshi.
