Projekti për dhënien e portit të Durrësit me koncesion ka ngritur pikëpyetje si në mesin e opozitës po ashtu dhe të ekspertëve.
Gjatë një interviste për Ora News, deputeti i PD Edmond Spaho foli rreth këtij projekti.
Deputeti u shpreh se Porti i Durrësit është aseti më i madhe që Shqipëria ka. Pa portin e Durrësit ekonomia shqiptare dhe ajo kosovare jep shpirt, u shpreh ai.
Edmond Spaho: Rreth këtij projekti janë thënë shumë, veçanërisht nga kryeministri dhe zv. kryeministrja. Janë thënë shumë të pavërteta, shumë gënjeshtra. Porti i Durrësit është aseti më i madhe që Shqipëria ka. Pa portin e Durrësit ekonomia shqiptare jep shpirt madje jo vetëm ekonomia e Shqipërisë por dhe e Kosovës. Është port historik së bashku me rrethinat, ka një pasuri të madhe ekologjike.
Edhe Spaho thotë se është i nevojshëm një porti i ri pasi porti aktual nuk i përmbush nevojat por, sipas tij, nuk mund të prishet porti aktual pa marrë masa për krijimin e portit të ri.
Edmond Spaho: Unë e pranoj logjikën se ky port nuk përballon nevojat e vendit dhe mund të jetë i nevojshëm krijimi i një porti të ri por si mund të prishet porti kur ti nuk ke marrë masa për krijimin e portit të ri. Vetëm krijimi i portit të ri shkon 8 deri 10 vjet. Qeveria ka dhënë një liçencë dhe është lejuar të dorëzohen dhe mallra.
Spaho thotë se qeveria përpiqet që nëpërmjet të pavërtetave ta kalojë këtë projekt.
Edmond Spaho: Qeveria përpiqet nëpërmjet të pavërtetave ta kalojë këtë projekt madje me procedurë të përshpejtuar. Do të miratohet pa pasur kohë të diskutohet, të pyeten ekspert të fushës. Porti i Durrësit është port strategjik dhe BE nuk të lejon të japësh me investim të drejtpërdrejt një pasuri të kësaj natyre.
