Ukraina nuk ka humbur kohë për t’iu kundërpërgjigjur sulmit me raketa që Rusia lëshoi mbrëmjen e djeshme mbi Kiev dhe qytetet e tjera në veri-perëndim të vendit.
Sipas mediave ndërkombëtare Kievi ka organizuar një sulm me dronë mbi një depo nafte ruse vetëm 190 milje nga Moska.
“Sulmi i orës 4 të mëngjesit shpërtheu një depo nafte në Stalnoi Kon. Nuk ka viktima. Të gjitha shërbimet e urgjencës janë duke punuar në vend“, tha guvernatori rajonal Andrey Klychkov.
Imazhet e paverifikuara në mediat sociale treguan atë që dukej të ishte një çarje në anën e një rezervuari të depozitimit të naftës, të nxirë nga bloza.
Logoja e operatorit të tubacionit të kontrolluar nga shteti rus “Transneft” mund të shihet në depon e shpërthyer me drone.
Që nga fillimi i ofensivës së Rusisë në Ukrainë, disa depo karburantesh ose municionesh në Rusinë jugore janë sulmuar nga dronë ose helikopterë, ndërsa autoritetet fajësojnë forcat ukrainase.
Sulmi i fundit i dukshëm vjen një ditë pasi Rusia lëshoi pothuajse 100 raketa në qytete në të gjithë Ukrainën, duke shkaktuar tre vdekje dhe duke ndërprerë furnizimin me energji elektrike për miliona njerëz.
