I ashpër dhe kritik ndaj SHBA-ve dhe Greqisë ka qenë reagimi më i fundit i ministrit të Brendshëm të Turqisë, Suleiman Soylu, i cili ka implikuar fqinjët dhe amerikanët në sulmin terrorist në Stamboll ku 6 persona mbetën të vdekur dhe mbi 80 të plagosur.
Soylu foli për mediat pas arrestimit të së dyshuarës kryesore për sulmin me bombë, Ahlam Albashir, duke thënë se nëse terroristët nuk do të ishin arrestuar sot në Stamboll, do të ishin arratisur për në Greqi.
Sipas pretendimeve të Soylou, ky informacion erdhi nga vëzhgimi i rrjetit terrorist që lidhet me PKK, duke shtuar se plani ishte i mirë detajuar “për ta vrarë terroristen” duke e hedhur nga një ndërtesë ose në kanal.
Ai shtoi më tej se mes të arrestuarve është edhe ai që organizoi shpërthimin, por dhe “ai që dha urdhrin për të vrarë terroristen”.
“Ne nuk jemi armiq të askujt, por dua të shpreh se ne nuk kemi forcë të durojmë tradhtinë. Nëse nuk do të ishin kapur, ata do të ishin arratisur sot në Greqi”, deklaroi Soylu.
Ai u ndal më tej te dyshimet për përfshirjen e Amerikës në këtë ngjarje të rëndë duke thënë: “Nuk i pranojmë ngushëllimet e ambasadës amerikane”.
#BREAKING
Turkish Interior Minister says Istanbul bomber would flee Turkey to Greece today if she hadn’t been caught upHe also says police has an phone/audio tape that indicates PKK had ordered her killing to prevent her capture pic.twitter.com/XYJWMn2fdQ
— EHA News (@eha_news) November 14, 2022
“Ngushëllimet e SHBA-ve janë një situatë e ngjashme me atë kur vrasësi është i pari që gjendet në vendin e krimit. Ne e morëm mesazhi, tani do të shihet edhe përgjigjja jonë”, shtoi ministri i Brendshëm turk.
Në përpjekje për të shpjeguar këtë sulm, Soylu tha, sipas CNN Turk, se “aleanca me një shtet që dërgon para nga Senati i tij për subjektet që prodhojnë organizata terroriste duhet të diskutohet“.
“Kushdo që përpiqet të japë informacion të brendshëm për PKK-në është autori. Nuk ka nevojë të flitet shumë për pengjet. Gjëja më e rëndësishme është t’i shtypësh kokën. Ne do të dërgojmë një përgjigje shumë të fortë ndaj këtij mesazhi”, theksoi Soylu.
Deklarata e ashpër e Soylu erdhi disa minuta pasi policia e Stambollit njoftoi se kishte arrestuar gjithsej 46 persona në lidhje me shpërthimin në bulevardin e Taksim.
Sa i përket, Ahlam Albasir, e cila dyshohet se vendosi bombën, ajo ka rrëfyer se ishte trajnuar si oficere speciale e inteligjencës nga kurdët e PKK/PYD në Siri dhe ishte dërguar në Turqi. Vajza është shtetase siriane, e lindur në vitin 1999.
Ajo ka deklaruar se aksionin bombardues e kishte kryer më datë 13.11.2022 rreth orës 16.20 të së dielës, datë 13.11.2022, duke marrë urdhra në Stamboll nga selia e organizatës terroriste PKK/PYD/YPG në Kobani të Sirisë dhe më pas u fsheh për t’u arratisur.
