Polemikat për fitoren e Milanit, ish-gjyqtari italian shpjegon: Te goli është një përplasje më e dukshme në mesfushë
Milani ka mundur me shifrat 2-1 Fiorentinën por sfida është mbyllur me polemika për dy episode që kanë acaruar jo pak lojtarët e skuadrës mike. Në fillim ishte një kontakt në zonë mes Tomori dhe Ikone e më pas ishte goli i fitores i kuqezinjve, ku ata pretenduan për faull.
Luca Marelli, ish-gjyqtar italian, ka shpjeguar për DAZN këndvështrimin e tij rreth këtyre situatave.
“Ka një kontakt mes Tomori dhe Ikone, prek edhe këmbën e djathtë të Ikone dhe sipas meje ndodh njëkohësisht. Nuk ndërhyn VAR-i, pasi është një vlerësim fushe. Ka shumë që mund të diskutohet, sa më përket mua, zgjedhja më e drejtë ishte të mos jepej penallti.
Goli në fund? Janë dy ndërhyrje që duhen vlerësuar. I pari është në mesfushë mes Rebiç dhe Dankan dhe gjyqtari është në pozicion ideal për të vlerësuar. Pastaj ka një përplasje mes portierit dhe Rebiç, janë dy lojtarë që lëvizin njëri drejt tjetrit. Edhe këtu ka hapësirë vlerësimi. Janë episode komplekse për t’u vlerësuar. Mund të ketë vlerësime të ndryshme. Është e pranueshme të zyrtarizohet goli, por është më i dukshëm kontakti mbi Dankan se ai mbi Terraçianon”, theksoi ish-gjyqtari.
