Aeroporti Ndërkombëtar Eleftherios Venizelos në Athinë ishte në gatishmëri këtë mbrëmje për dy fluturime të Emirates me destinacion Nju Jork dhe Dubai pasi Shtetet e Bashkuara paralajmëruan për një pasagjer “të dyshimtë”.
Protothema thekson se informacioni për pasagjerin e dyshimtë është marrë nga CIA dhe është vlerësuar si serioz. Pasagjeri i dyshuar me origjinë arabe ka qenë në bordin e fluturimit nga Athina.
Fluturimi për në Dubai ishte menduar të nisej nga Athina në orën 17:55. Pasagjerët hipën në aeroplan normalisht, dyert u mbyllën dhe avioni u ngjit në pistë. Megjithatë, përpara se të përfundonte procesi, kapiteni i njoftoi pasagjerët se duhej të kthehej për shkak të një problemi teknik.
Kur avioni arriti sërish në parking, pasagjerëve iu kërkua të zbrisnin, duke marrë me vete të gjitha bagazhet e tyre.
