“Shpatat janë mprehur” kundër Donald Trump, i cili është cilësuar si një ‘katastrofë’ nga personalitetet e rangut të lartë në Partinë Republikane, duke e akuzuar atë se ka sabotuar partinë në zgjedhjet e mesmandatit.
Me disa vota që ende nuk janë numëruar, “Vala e Kuqe” e pritshme nuk u materializua me kontrollin e kongresit ende të varur në balancë, si një nxitje e madhe për Joe Biden. Ka tre vende të mbetura në Senat dhe 44 vende në Dhomën e Përfaqësuesve.
Demokratët ishin përgatitur për më të keqen, por tani ata shpresojnë se mund të fitojnë edhe të dyja dhomat, që do të thotë se Biden mund të ndjekë axhendën e tij legjislative pa qenë një president i çalë për pjesën e mbetur të mandatit të tij dyvjeçar.
Disa nga figurat më pranë Trump, të cilët ai i mbështeti publikisht dhe me zë të lartë u “shkërmoqën” përballë demokratëve duke çuar në një post mortem për rolin e ish-presidentit në vazhdim.
“Në mes të qenit Donald Trump dhe Ron DeSantis sonte, ju dëshironi të jeni Ron DeSantis”, tha Mick Mulvaney, ish-shefi i kabinetit të Trump.
“DeSantis fiton sonte dhe Trump nuk i ka punët mirë”, shtoi ai.
Strategë të tjerë republikanë thanë se partia duhet të “shkëputet nga marrëzia e Trump“, duke e quajtur atë “të përqendruar tek vetja” pasi miratoi kandidatët e vijës së ashpër vetëm sepse ata ranë dakord që zgjedhjet e vitit 2020 ishin vjedhur.
Në një goditje të mëtejshme, Guvernatori i Floridës Ron DeSantis, i konsideruar si kundërshtari më i mundshëm i Trump për nominimin republikan për Presidencialet 2024, rriti kredencialet e tij me një fitore mahnitëse, madje duke e kthyer në të kuqe qendrën liberale Miami-Dade.
Trump ka njoftuar se do të japë një lajmërim të rëndësishëm më 15 nëntor, por shumë po përpiqen ta bindin atë të rishqyrtojë nisjen e pritshme të fushatës së tij për 2024.
Sipas Maggie Haberman të The Neë York Times, e cila kohët e fundit publikoi një biografi të ashpër rreth Trump, ish-presidenti është veçanërisht i zemëruar që Dr Mehmet Oz humbi një garë vendimtare për Senatin në Pensilvani.
Mediat amerikane po tallen gjithashtu me ish-presidentin, me Neë York Post që e quajti atë Trumpty Dumpty, dhe Stephen Colbert bëri shaka duke thënë: “Vala e kuqe ishte më shumë si një spërkatje rozë. Ishte një shi salmon, një bojë rozë”.
