Vendimi i Apelit të GJKKO-së për të rikthyer në burg ish-deputetin e Partisë Socialiste Alqi Bllako pas kërkesës së SPAK është komentuar jashtë ambienteve të gjykatës edhe nga avokati i tij Sojkol Aziraj.
Aziraj tha se nuk ka asnjë arsye mbi të cilën argumentohet vendimi i Apelit, ndërkohë që i cilëson edhe pretendimet e dhëna nga SPAK si të pabaza.
Më tej ai shton se vendimin do ta ndjekë për rekurs në Gjykatën e Lartë.
“Nuk e di se për cilat arsye, përkundër sjelljeve të Bllakos, që ka lënë mandatin e deputetit, të vendosej kjo masë. Se mendoj se kishte arsye që gjykata e Posaçme e Apelit të mbante qëndrim ndryshe. Gjykata e Apelit mbajti qëndrim të cilin se ka arsyetuar akoma. Bllako u lirua më herët se nuk përbente rrezik për prishjen e provave. Bllako në rastin konkret nën hetim, nuk është person i zgjedhur, referenca ndaj tij është e gabuar. Do bëjmë rekurs në Gjykatën e Lartë”, tha Aziraj.
Sa i përket çështjes në fjalë, Alqi Bllako u arrestua më 31 mars 2022 me urdhër të SPAK, pasi akuzohet se në kohën kur postin e sekretarit të Përgjithshëm të Ministrisë së Mjedisit, në bashkëpunim me ish-ministrin Lefter Koka dhe ish-kryetarin e Komisionit të Shpronësimit Pëllumb Abeshi, ata kanë falsifikuar dokumentin në lidhje me sipërfaqen e tokës ku u ndërtua inceneratori i Fierit duke i shkaktuar dëm buxhetit të shtetit prej 16 milionë lekësh.
Bllako u lirua nga burgu rreth një muaj me argumentin se kishte fëmijët e mitur dhe bashkëshortja ishte në punë dhe duhet të kujdesej për ta.
