Dueli i boksit për peshat super të mesme WBA rrezikoi të mbyllej me një tragjedi të rëndë. Sfida mes kubanezit David Morrel dhe kazakut Aidos Yerbossynuly regjistroi një finale dramatike. Në raundin e 12 boksieri kazak u rrëzua duke humbur ndjenjat dhe duke e detyruar arbitrin ta harronte ndeshjen e të fokusohej te gjendja e tij.
E menjëhershme ishte ndërhyrja e ambulancës që e transportoi boksierin në spital ku mjekët e futën në koma për të mos rrezikuar pasoja të rënda. Ajo që la shenjë në publik ishte festimi i Morrel në stilin Ronaldo.
Edhe pse e pa gjendjen e kundërshatrit, kubanezi e talli duke bërë gjestin e gjumit dhe më pas duke festuar me siuuuuu-n e famshëm të Cristiano Ronaldos.
