Trupa ukrainase janë duke zhvilluar një ofensivë ushtarake jetë a vdekje për të rimarrë nën kontroll nga Kievi qytetin e Khersonit.
Pamjet e betejës së ashpër midis forcave ruse dhe atyre ukrainase tashmë po bëjnë xhiron e rrjetit, teksa suhtarët shihen duke luftuar për të mbrojtur kokat në valët e breshërisë së predhave në fushë-betejë.
Në video shihen ushtarët ukrainas që hapin zjarr ndaj homologëve të tyre rusë me pushkë, mitralozë dhe raketahedhës ndërsa luftojnë për kontrollin e një qyteti.
Pamjet madje tregojnë një ukrainas që bie në tokë i plagosur me gjak që i rrjedh nga këmba, ndërsa një nga shokët e tij nxiton t’i shpëtojë jetën.
Megjithëse është e paqartë saktësisht se ku është filmuar video, ajo doli pasi media shtetërore ruse paralajmëroi se qyteti i Kherson së shpejti mund të sulmohej.
Megjithatë, Moska po transferon gjithashtu përforcime në Kherson duke çuar në raporte kontradiktore mbi atë që po bëjnë komandantët e Putinit.
