Një kamion është përfshirë nga flakët ditën e sotme në Tiranë.
Mësohet se mjeti i tonazhit të rëndë, është përfshirë nga flakët në rrugën që të çon drejt Unazës së Re, pranë “Pallatit me Shigjeta”.
Nuk dihet ende shkaku i zjarrit as gjendja e shoferit.
“Me datë 08.11.2022, në afërsi të nënkalimit te Fabrika e Miellit, ka marrë flakë në lëvizje e sipër dhe është djegur pjesërisht mjeti tip kamion me drejtues shtetasin O. K.
Si pasojë e zjarrit ka vetëm dëme materiale.
Paraprakisht dyshohet se zjarri ka rënë si pasojë e një defekti në mjet.”- njofton policia.
Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.
