Ralf Hasenhytwll nuk është më trajner i skuadrës së Sauthemptonit! Klubi britanik ka shkarkuar nga detyra, teknikun austriak për shkak të rezultateve negative dhe pozicionit në renditje të ekipit në Premier Ligën angleze.
Këtë lajm e ka bërë publike klubi nga Hampshire me anë të një komunikate duke e falënderuar 55-vjeçarin për punën e përshkuar në këto 4 vite në drejtimin e skuadrës.
Hasenhytwll njihet edhe si trajneri që i dha besim sulmuesit të Kombëtares shqiptare, Armando Brojës në Premier Ligë duke i besuar “çelësat” e repartit të sulmit te Sauthemptoni sezonin e kaluar.
Hasenhytwll e mori drejtimin e Sauthemptonit më 6 dhjetor 2018 teksa ka numëruar 173 ndeshje në të gjitha kompeticionet ku ka arritur 60 fitore, 38 barazime dhe 75 humbje.
