Ditët me diell dhe temperatura të denja për muajt e verës ia kanë lënë prej mbrëmjes së djeshme vendin reshjeve të shiut dhe erërave të forta.
Moti i keq në harkun e 4-5 orëve ka shkaktuar 5 aksidente në rrugët e vendit, ndërkohë që njoftohet se kanë pezulluar punën edhe disa nga tragetet e linjave në bregdetin shqiptar.
Mësohet se lundrimi është pezulluar për tragetet e linjës Sarandë Korfuz, ndërkohë që anijeve të peshkimit iu është bërë thirrje që të ndalin lundrimin në det.
Ndërkohë, në Durrës është pezulluar lundrimi i peshkarexhave dhe mjeteve të tjera të vogla të lundrimit.
