Një aksident i rëndë ka ndodhur paraditen e së shtunës në aksin Fier- Mallakastër, pranë fshatin Lalar.
Mësohet se dy automjete “Mercedes Benz” janë përplasur kokë më kokë. Të plagosur kanë mbetur drejtuesit mjeteve dhe një pasagjer.
Shkak për aksidentin dyshohet të jetë bërë lagështia më rrugë, prej shiut të dendur që ka rënë gjatë natës.
Ky është aksidenti i katërt që regjistrohet në orët e para të mëngjesit në akset kombëtare, me motin e keq që është bërë shkak për problemet në qarkullim dhe drejtimin e mjeteve.
Njoftimi i policisë:
Rreth orës 09:40, në vendin e quajtur “Qafa e Lalarit”, automjeti tip “Benz” me drejtues shtetasin E. R., 45 vjeç, banues në Kuçovë, është përplasur me automjetin tip “Benz” me drejtues shtetasin K. K., 37 vjeç, banues në Patos.
Si pasojë e përplasjes janë dëmtuar dy drejtuesit e automjeteve dhe pasagjeri, shtetasi L. S., 65 vjeç, të cilët ndodhen në spital nën kujdesin e mjekëve.
Grupi hetimor po punon për zbardhjen e rrethanave të aksidentit.
