Nga Boldnews.al
Mjaftoi vetëm një takim pak orësh mes gjashtë kryeministrave të vendeve të Ballkanit Perëndimor dhe kancelarit gjerman Olaf Scholz në kuadër të Samitit të Berlinit që të rrëzohet kalaja e rërës së Ramës dhe Vuçiçit, e ngritur këtu e tre vjet më parë.
Marrëveshjet e nënshkruara, sidomos me përfshirjen e Kosovës, së pari rrëzuan trekendëshin bermundian Rama-Vuçiç-Zaev, të cilët vendosën të ndërmarrin nismën “Ballkani i Hapur”, por që nuk pranohet nga Kosova, Bosnje Hercegovina dhe Mali i Zi.
Në Berlin u nënshkruan marrveshje që kanë të bëjnë me mobilitetin. Marrëveshjet e nënshkruara janë: marrëveshja për lëvizjen e lirë me karta identiteti për shtetasit e rajonit, njohja e diplomave universitare, dhe njohja e kualifikimeve profesionale të mjekëve, dentistëve dhe arkitektëve.
Nënshkrimi i këtyre 3 marrëveshjeve mes gjashtë shteteve të Ballkanit Perëndimor, mes Kosovës, Shqipërisë, Bosnjës, Maqedonisë së Veriut, Malit të Zi dhe Serbisë, vjen pas gati dy viteve negociata, por njëkohësisht në thelb zhbëjnë çdo marreveshje të “Ballkanit të Hapur”. Pak muaj më parë, tre vendet e nismës së “Ballkanit të Hapur” firmosën me shumë bujë dhe me buzëqeshje më shumë se miqësore për lëvizjen e lirë të qytetarëve në tre shtetet me karta didentiteti. Por pa u vënë ende në zbatim Rama dhe Vuçiç, i cili nuk ishte i pranishëm në Berlin, dolën tërësisht bosh sepse Kosova, Mali i Zi dhe Bosje Hercegovina pasi refuzuan “Ballkanin e Hapur” këmbëngulin që Samiti i Berlinit i nisur nga ish-kancelarja Angela Merkel është nisma që përbashkon gjithë rajonin.
Tashmë e rikthyar me vrull nga kancelari Gjerman Rama është tërësisht në hiqje, bashkë me Vuçiçin të cilët nën haluçinacione menduan se janë “lider global” që do futeshin në hisri me histerizmin e “Ballkanit të Hapur”. Në kryeqytetin gjerman, Rama as që ishte fare në formë për të lëshuar ndonjë deklaratë mufkë që nuk merret serizosisht as tre minuta, jo më tre ditë. Në Berlin mungonte Muza e Ramës, padyshim që ai është Aleksandër Vuçiç presidenti serb, njëkohësisht miku i kryeministrit tonë.
‘Nuk e di pse nuk ka ardhur për besë, edhe nuk është që na mungoi fort. Ndoshta ndokujt, po sigurisht që jo mua’- deklaroi Kurti kur u pyet e përse nuk ndodhej Vuçiç në Samitin e Berlinit. Padyshim që në mënyrë të drejtëpërdrejtë Ramës i mungonte Vuçiçi. Ky i fundit as që denjoi të udhëtonte drejt Berlinit, ndërsa Rama ishte i detyruar të bëntë udhëtimin më të pakëndshëm, që iu shpreh edhe në pamjen e tij përgjatë gjithë samitit.
Aty ra nisma e tij dhe e Vuçiçitn në orgjinë e përbashkët që polli “Ballkanin e Hapur”, një çmenduri diplomatike që nga shumë ekspertë të ekonomisë dhe njohës të politikës rajonale cilësohej si organizëm që fuqizonte vetëm Serbinë. Për “dobiçin” e ngjizur (Ballkani i Hapur), në një hotel në New York, mes Ramës Vuçiçit dhe ish-kryeministrit maqedonas Zoran Zaev, kryeministri ynë tentoi të denigrojë Kosovën, duke e shfaqur Prishtinën zyrtare si të “pagdhendur”, deklarata të cilat i bënte në sytë e Vuçiçit, ish-ministrit të kasapit të Ballknanit Sllobodan Milosheviç.
Si e nisën me pompozitet dhe pa asnjë ide se ku do dilnin ashtu edhe po mbyllen duart e një kabareje politike që u formësua teksa Rama dhe Vuçiçi pinin veë në një hotel në New York. Samiti i Berlinit së pari i ktheu Kosvës dinjitetin si shtet dhe së dyti rrëzoi çdo megalloman që politikën e jashtme e trajton si takim me “patronazhistët” që kanë kaluar trurin tek procesin e larjes ne lavatriçen e Rilindjes.
