Enkelejd Alibeaj, në mbledhjen e Këshillit të mandateve ka sjell me zë dhe figurë një deklaratë të para 5 ditëve në një konferencë për shtyp të ish Ministrit Tahiri, ku deklaronte se ishte I gatshëm ta dorëzonte imunitetin.
Alibeaj: Ju keni thënë në konferencën për shtyp, të 5 ditëve më parë, se nuk doni të përfitoni nga imuniteti i deputeti. Ti ke të drejtë ta hash fjalën. Unë sot dëgjova se t’i nuk e heq imunitetin.
Tahiri: Unë nuk mund të arrestohem për disa biseda të dy trafikantëve, që më kanë përmendur emrin në muajin e dytë kur unë isha Ministër. Nuk mund të arrestohem për disa pretendime, kur këta dy trafikantë kanë shpifur duke thënë se unë paskam fituar 5 milion euro dhe që kam linjë kamionësh.
Alibeaj: Nëse pretendon se je i pafajshëm, atëhere pse nuk e dorëzon imunitetin dhe të shkosh ballëhapur në gjykatë.
Tahiri: Unë nuk pranoj pranga politike, jam gati për gjyq por dua provat.
Deklarimet e tahirit ishin plot mllef dhe gati të përplasej personalisht dhe fizikisht me Alibeajn.
