Uji i pijshëm 24 orë është një premtim që kryetari i PS-së dhe kryeministri i vendit Edi Rama vijon ta përsërisë gjatë çdo fushate elektorale.
Madje, ka shumë gjasa të jetë politikani shqiptar, i cili ka premtuar ujë të pijshëm më shumë se asnjë tjetër.
Premtimet për ujë të pijshëm janë të hershme, që prej kohëve kur Rama garonte për Bashkinë e Tiranës, e deri më sot, në prag të zgjedhjeve lokale të 14 Majit 2023.
Premtimi do të përsëritej fuqishëm teksa Rama synonte të merrte karrigen e kryeministrit në fushatën e vitit 2013.
“Dy gjëra do të merren personalisht këto 4 vite dhe do të përgjigjem unë personalisht. Nuk do ja vë përgjegjësinë absolutisht askujt. Legalizimet falas të shtëpive të ndërtuara në zonat informale. Ujin ne parcel në çdo metër katror tokë buke dhe ujin e pijshëm në çdo shtëpi. Me këto dy gjëra do merrem unë dhe do përgjigjem unë”, do të shprehej I vendosur Rama, gjatë një ligjërate asokohe.
Pushtetin e mori, por në vend të legalizimeve, qytetarët morën gaz lotsjellës, shkopat e gomës së policisë dhe rruspat që u shkatërruan banesat.
Përsa i përket ujit, vitet kaluan dhe furnizimi 24 orë, për një pjesë të konsiderueshme të territorit vijon të mbetet një utopi.
Gjatë një takimi në vitin 2020, një qytetare i kujtonte problematikën. “Ja po punojmë me ujin, jemi duke punuar”, do ti përgjigjej Rama.
Ndërsa vitin e kaluar, i parapriu një helmimi masiv të popullsisë.
Në 5 gusht, me rastin e inagurimit të ujësjellësit të Krujës, u siguroi qytetarëve se uji mund të konsumohej, teksa ktheu disa gllënka. “Uji i pijshëm i Krujës 24 orë. Gëzuar! Perfekt”, u shpreh kryeministri, i cili me veprimin e tij u tregoi banorëve se mund ta pinin ujin direkt nga rubineti.
Në Tetor, qindra qytetarë që konsumonin ujë nga rubineti, fëmijë e të moshuar, përfunduan me shenja helmimi në spital.
Me ujin që rrjedh në rrubinetat në Tiranë, pak muaj më pare, bëri të të njëjtin gjest propagande për të treguar se mund të pihet. Fatmirësisht, banorët e kryeqytet nuk e besuan duke shpëtuar shëndetin.
Ndërkohë, së fundmi, në kuadër të fushatës elektorale për vendoret 2023, premtoi sërish ujë të pijshëm 24 orë: “…deri në pranverë, do të mbulohet me ujë 24 orë edhe Bashkia Mat”, tha.
