Vllaznia e femrave sfidoi mbrëmjen e sotme një nga ekipet më të suksesshme në nivel klubesh, Chelsea në Londër.
Kjo ishte sfida e dytë e Grupit për vajzat shkodrane, të cilat kishin ndalur Real Madridin në një barazim në ndeshjen e parë.
Teksa atmosfera në Shkodër në ndeshjen hapëse ishte elektrizuese, mbështetja për Megi Doçin me shoqe nuk mungoi as në Londër.
Në grupin me 400 tifozë kuqezi që nuk ndalën asnjëherë korin “O sa mirë me qenë shqiptar!” gjendej edhe një mbështetës i veçantë.
Pikërisht, ylli shqiptar i Bluve të Londrës në ekipin e meshkujve, Armando Broja. Sulmuesi kuqezi ndodhej në stadium së bashku me familjen e tij për të përkrahur dhe mbështetur Vllazninë.
Megjithatë për fatin e keq, ekipi shqiptar humbi me shifrat 8-0.
