Autoritetet britanike kanë vendosur që të emërojnë një gjeneral të njohur në krye të shtabit për ndalimin e shqiptarëve, që tentojnë të hyjnë në mënyrë të paligjshme në ishull.
The Telegraph shkruan se një gjeneral i lartë britanik, i cili ka shërbyer në Afganistan dhe në luftën e Gjirit, është caktuar për të goditur emigrantët shqiptarë që kalojnë Kanalin.
Gjenerali Stuart Skeates, i cili gjithashtu ka shërbyer në luftën e Bosnjës, është punësuar si koordinator special për migrimin ilegal të shqiptarëve.
Ai ka punuar më parë si këshilltar i Kancelarit të Dukatit të Lancasterit, duke parandaluar njerëzit vulnerabël të ‘shfrytëzuar nga trafikantët e qenieve njerëzore’ dhe ‘duke mbrojtur kufijtë e Mbretërisë së Bashkuar’.
Tani Skeates është rekrutuar për të trajtuar problemin në rritje të kalimeve të Kanalit “Shqiptar”.
Që nga fillimi i vitit më shumë se 37,000 emigrantë kanë arritur në tokën britanike, të paktën 10,000 besohet të jenë nga shteti ballkanik. Numri i shqiptarëve që mbërrinin përtej Kanalit u rrit në fillim të verës dhe tani ata përbëjnë rreth 60 për qind të të ardhurve nga Franca veriore.
Skeates pritet të punojë me qeverinë shqiptare për të ndihmuar në luftimin e bandave të trafikimit.
Ish-sekretarja e Brendshme Priti Patel Patel nënshkroi një marrëveshje me qeverinë shqiptare për të përshpejtuar deportimet në shtetin ballkanik dhe që oficerët e policisë shqiptare të vendosen në Dover.
