Mbreti Charles III raportohet se po përballet me probleme shëndetësore dhe djalit të tij (trashëgimtarit të fronit) Princit William i është thënë nga mjekët që të përgatitet.
Ky është lajmi i bujshëm që ka publikuar sot media franceze “Le Matin”. Siç përmendet në raport, Mbreti Charles ka rënë mendërisht dhe fizikisht pas vdekjes së nënës së tij, Mbretëreshës Elizabeth II.
Mjekët flasin për një “krizë të madhe” që do të duhet ta kapërcejë, ndërsa sipas zyrtarëve dhe burimeve të tjera nga Pallati, Charles vuan nga depresioni dhe i tha gruas së tij Camilla se “jeta e tij e re është shumë e vështirë për të”.
“Ai është i lodhur dhe në panik për atë që e pret si mbret”, shkruan media franceze.
Sipas Le Matin, mbretërimi i Charles mund të jetë një nga “më të shkurtrit e 200 viteve të fundit“.
Problemi shëndetësor me të cilin përballet mbreti i ri nuk është vetëm i natyrës psikologjike pasi Charles, tashmë 73 vjeç shfaqet me duar të kuqe të fryra në ceremonitë zyrtare.
Po sipas kësaj media, mjekët e Mbretit kanë shpjeguar se “gishtat e tij të kuq dhe të fryrë mund të tregojnë edemë, e cila është shenjë e dështimit të zemrës”. Kjo do të thotë se “nëse zemra është e dobët, gjaku nuk pompohet në ekstremitetet”.
Princi William tashmë është informuar për situatën dhe sipas artikullit “mjekët i thanë atij të bëhet gati, ndoshta edhe për një rokadë në fron.
