Kryeministri Edi Rama ka udhëtuar drejt Abu Dabit pas vizitës dy ditore që zhvilloi në Izrael, ku arriti një marrëveshje për mbrojtjen kibernetike pas sulmit nga hakerat iranianë. Në një postim në Facebook, Rama ka publikuar një foto ku shihet teksa zbret nga avioni në Abu Dhabi.
“Pas Izraelit, një gjysëm dite në Abu Dabi, për t’u takuar me Presidentin e Emirateve të Bashkuara, Sheikh Mohamed bin Zayed Al Nahyan,”- shkruan Rama krah fotos.
Rama ishte në Izrael për dy ditë rresht. Ai mori pjesë në ceremoninë e organizuar nga Lëvizja ‘Lufto Antisemitizmin’. Rama u shpreh se Shqipëria është i vetmi vend në Ballkan ku përbërja fetare nuk ka një rol përcaktues apo dallues përsa i përket identitetit.
