Një grevë 24 orëshe e doganierëve greke ka paralizuar lëvizjen në të gjitha pikat kufitare me Greqinë. Doganierët protestojnë kundër reduktimeve në buxhet, dhe ankohen se ata janë të detyruar të përballojnë edhe shumë prej shpenzimeve funksionale të pikave doganore.
Ndërprerja e punës në dogana ka nisur në orën 07:00 të ditës së sotme dhe do të vazhdojë deri mëngjesin e të premtes. Kjo do të thotë se edhe në pikat e kalimit kufitar midis Greqisë dhe Shqipërisë, për 24 orë nuk do të kalojë asnjë automjet, qofshin vetura, kamionë apo autobusë.
Në varësi të përgjigjes nga Ministri i Financave, ata do të vendosin edhe për vazhdimin ose të lëvizjeve të tjera greviste.
