E teksa është bërë e ditur që prezantuesit e “Big Brother VIP Kosova” do të jenë Jonida Vokshi dhe Alaudin Hamiti, ndërsa opinionist Olti Curri, kuriozitet kanë mbetur se kush do jënë banorët.
Në një lidhje me Skype për “ABC e Mëngjesit”, Alaudini tregoi se iu bë edhe oferta për ta prezantuar vetëm “Big Brother VIP Kosova”, por bashkë me pronarët e televizionit vendosën që të zgjidhni edhe Jonidën.
Sipas tij, duhej një figurë nga Shqipëria, pasi tërheq audiencën.
“Në fakt e kemi pasur këtë opsion që të jem vetëm, por rrugës e kemi menduar bashkë me pronarët që të kemi edhe dikë nga Shqipëria. Pasi Klan Kosova është futur edhe në Shqipëri dhe për të tërhequr audiencën. Jonida është një prezantuese shumë e mirë sepse kemi udhëhequr edhe Çmimet Oscar me të”, u shpreh ndër të tjera Alaudini.
