Një aeroplan është rrëzuar këtë të martë në mëngjes në Ohajo të SHBA-ve.
Avioni u përplas mbi një vend ku tregtoheshin makina në periferi të qytetit juglindor të Ohajos, Marietta, duke lënë të vdekur dy persona.
Përplasja ndodhi rreth orës 7 të mëngjesit. Piloti dhe një pasagjer humbën jetën, ndërkohë që nuk u dëmtuan persona të tjerë jashtë avionit.
Mjetet dhe godina ku ra avioni ka pësuar dëme të shumta. Banorët në zonë shpërndanë në rrjetet sociale pamjet ku shihej tym i zi dhe flakë, që më pas u fikën nga forcat zjarrfikëse.
