Kreu i Këshillit Kombëtar të PD, Edi Paloka ka zhvilluar ditën e sotme, një takim me deputetin Gazmend Bardhi.
Ky takim vjen pas thirrjes së kryedemokratit Berisha për të bashkuar grupet dhe për të gjetur gjuhën e përbashkët lidhur me kandidatët që do të përfaqësojnë opozitën në 61 bashkitë e vendit.
Fokusi i takimit ka qenë pikërisht formulat që do të ndjekë opozita për daljen me 1 kandidat në zgjedhjet për pushtetin lokal. Në përfundim të takimit, Paloka e Bardhi nuk dhanë detaje për mediat se në çfazë kanë arritur negociatat, por theksuan se diskutimet do të vijojnë.
Takime do të ketë edhe me aleatët tradicional të PD, dhe partitë e opozitës jashtë parlamentit të cilët do të japin propozimet e tyre, për emrat e kandidatëve për kryebashkiak, që do të kalojnë në filtrin e primareve.
