Karim Benzema fiton Topin e Artë, të parin e karrierës së tij. Sulmuesi i Real Madrid ka triumfuar përballë Robert Levandovski dhe Sadio Mane.
Francezi e mbylli sezonin me 48 gola dhe 15 asiste duke rezultuar vendimtar për “Los Blancos” në suksesin e 14 në Champions League dhe në fitoren e La Ligas.
Ka qenë legjenda Zinedin Zidane, ai i cili i ka dorëzuar trofeun sulmuesit i cili ishte padyshim favoriti për të fituar në këtë edicion pas sukseseve me Real Madrid.
Më poshtë keni të arriturat e tij për edicionin 2021/22:
48 gola gjatë sezonit (në të gjitha garat)
15 gola në Ligën e Kampionëve (dy gola më pak se rekordi historik)
2 hat-trick në Ligën e Kampionëve (kundër PSG dhe Chelsea)
Me Real Madridinin fitoi: Superkupën e Spanjës, La Ligën dhe Ligën ë Kampionëve
Me Francën fitoi: Ligën e Kombeve
Në 13 sezonet e fundit, çmimi është ndarë në 12 raste mes Cristiano Ronaldos dhe Lionel Messit ndërsa vetëm Luka Modric e theu disi dominimin e tyre në vitin 2018 ndërsa Benzema rikthehen një francez në majën e podiumit të ceremonisë që zhvillohet në Paris pasi një gjë të tillë e bëri Zinedine Zidane në vitin 1998.
Në klasifikimin final të 30 futbollistëve, Cristiano Ronaldo u rendit në vendin e 20 që është edhe pozicionimi i hyrjes së tij për herë të parë në këtë listë në vitin 2005 ndërsa Lionel Messi nuk figuron mes 30 më të mirëve të sezonit që sapo lamë pas. Kupa e Botës 2022 edhe pse luhet në nëntor-dhjetor do të ketë rëndësi për fituesin e Topit të Artë 2023.
