Shpërthim tritoli në banesën e një polici në Lezhë.
Sipas informacioneve të para ngjarja ka ndodhur rreth orës 2 pas mesnate dhe fatmirësisht nuk janë shkaktuar dëme në njerëz, por vetëm dëme materiale. Forca të shumta të Policisë së Lezhës kanë mbërritur menjëherë në vendngjarje, dhe kanë mbledhur provat për zbardhjen sa më parë të këtij atentati me tritol ndaj një efektivi.
Sipas burimeve, mësohet se në fshatin Manati të Lezhës, tritoli është vendosur në banesën e policit Zef Kola. Edhe vetë polici është pyetur nga kolegët në lidhje me ngjarjen, për të parë nëse sulmi ka lidhje me detyrën apo bëhet fjalë për ndonjë konflikt tjetër të tij.
Grupi hetimor ka nisur punën për zbardhjen e ngjarjes.
