Rusia pavarësisht se vëmendjen e ka të përqendruar te lufta në Ukrainë, duket se nuk harron të hedhë shikimin edhe nga shtetet që e dënojnë sulmin e saj të armatosur mbi një vend sovran.
Më e fundit që është sulmuar nga propaganda e Vladimir Putin është pikërisht Shqipëria, teksa vendi ynë është përmendur nga moderatori i njohur i propagandës ruse Vladimir Solovyov, i cili në çdo dalje i thur lavde Vladimir Putin dhe i kërkoi të përdorë armët bërthamore mbi BE-në.
Solovyov, në emisionin e tij të transmetuar mbrëmë ka komentuar rezolutën e propozuar nga Shqipëria për OKB-në për Rusinë, duke e cilësuar vendin tonë si të pasjellshëm.
dhe se duhet sanksionuar.
“E di ç’ka është surprizuese?! Qenka një vend me emrin Shqipëria, që ishte aq e pasjellshme sa që nuk e lejoi Rusinë, një anëtar i përhershëm i Këshillit të Sigurisë, të shprehë pikëpamjet e saj”, ishte konstatimi i Solovyov.
Por ai nuk u ndal me kaq pasi vijoi më tej duke vazhduar sulmin në kanalin më të madh të Rusisë, Rossiya-1, teksa pyeste: “Ku janë sanksionet ndaj Shqipërisë?”.
Albania is the latest country to be targeted by Russian state TV’s Vladimir Solovyov
He isn’t happy after the UN passed its delegate’s resolution for the recent vote on Ukraine’s territorial integrity to be recorded (i.e. not held by secret ballot as Russia had wanted) https://t.co/Ul5Y1FLFWD pic.twitter.com/zRxa2ahtDL
— Francis Scarr (@francis_scarr) October 14, 2022
Fraksione videosh nga emisioni i tij, ku flet për Shqipërinë janë publikuar në Tëitter nga gazetari i BBC, Francis Scarr.
“Ai nuk është i lumtur pasi OKB-ja miratoi rezolutën e delegatit të saj që votimi i fundit mbi integritetin territorial të Ukrainës të regjistrohet (d.m.th. të mos mbahet me votim të fshehtë siç kishte dashur Rusia)”, shkruan Scarr.
Ndërkohë sa i përket Solovyov, ai është prezantuesi më i famshëm në Rusi dhe njeriu i besuar i Vladimir Putinit, ndërsa posedon edhe një vilë në liqenin e Komos, në Itali, e cila është sekuestruar.
