Aktorit të famshëm Tom Cruise i është dashur të punësojë sigurim për shkak të kërcënimeve për vdekje të bëra ndaj tij nga një ish-bashkëpunëtor.
Një ish-punonjës i pakënaqur i produksionit në filmin ‘Mission Impossible 8’ thuhet se ka deklaruar se dëshiron të vrasë Cruise.
Sipas ‘The Sun’, një burim i afërt me xhirimet ka zbuluar situatën e pakëndshme, ku përfshihet edhe regjisori Chris McQuarrie. Ish-punonjësi ka nisur një betejë ligjore që nga shkarkimi i tij dhe duket se gjërat kanë marrë për keq.
“Tom dhe Chris janë ende duke punuar në Mission: Impossible 8, kryesisht në Mbretërinë e Bashkuar, por gjërat janë bërë gjithnjë e më të pakëndshme me një ish-anëtar të ekuipazhit dhe tani është një rast për të mos rrezikuar. Tom është mësuar të ketë ekipe sigurie rreth tij shumicën e kohës për shkak të famës së tij. Por për Chris është një gjë shumë e re. Askush nuk po rrezikon.”, tha burimi i Sun.
Punonjësi i pushuar, ka bërë edhe disa deklarata befasuese në të cilat jep detaje për një financim të pretenduar nga oligarkët rusë të filmave të Tom Cruise.
