Zv.kryeministrja Belinda Balluku ka zhvilluar sot një konferencë të përbashkët për shtyp me ambasadoren e BE në Tiranë, Christiane Hohmann lidhur me Raportin e Progresit 2022 për Shqipërinë.
Raporti i publikuar ditën e djeshme ia përplasi në “fytyrë” qeverisë se dy nismat e kryeminstrit Edi Rama për “Amnistinë Fiskale” dhe “Golden Passport” rrezikojnë të minojnë proceisn e integrimit, pasi bien ndesh me normat e Bashkimit Evropian.
Pikërisht për këtë konstatim, është pyetur nga gazetarët ambasadorja Hohmann, e cila u desh të përgjigjej për pikën ku nënvizohet se ligji për “amnistinë fiskale bie ndesh me kapitullin 4 të negociatave me BE” dhe se a rrezikon miratimi i dy projektligjeve, rikthimin e regjimit të vizave me zonën Schengen.
Ambasadorja u pyet nëse kështu rrezikohet rikthimi vizave për shqiptarët dhe Hohmann u përgjigj duke thënë se KiE është mëse e qartë për të dyja draftet, madje ai i pasaportës “Gold” është pezulluar nga të gjitha vendet e BE.
“Në lidhje me pasaportat gold raporti është tejet i qartë dhe sigurisht që BE do të respektojë sovranitetin e cilido shtet për të vendosur se çfarë skemash ka për dhënien e nënshtetësisë. Por duke pasur parrasysh kontekstin ku jetojmë me ndërhyrjen e Rusisë në Ukrainë kjo skemë do të sillte disa rreziqëe që janë në raport. Në mars të këtij viti Komisoni Europian i sugjeroi që t’i jepnin fund të gjitha shtetet kësaj skeme. KE është shumë i qartë. Për Aministinë Fiskale ju e dini që ne po vijojmë bisedimet”, tha ambasadorja e BE.
Teksa Balluku tha se konstatimet janë hipotetike pasi të dyja projekligjet mbeten në kuadër të propozimeve dhe diskutimeve, ambasadorja Hohmann u pyet sërish dhe tha se KE nuk hedh hipoteza, por se “miratimi i një projektligji kundër direktivave të BE-së mund të vërë në rrezik procesin integrues”.
