E ardhmja e Maximilliano Allegrit është në rrezik. Trajneri nuk po bën mirë në pankinën e Juventusit dhe si pasojë, bardhezinjtë rrezikojnë eliminimin që në fazën e grupeve të Champions League.
Pavarësisht zërave në zyrat e klubit nga Torino, tekniku është i konfirmuar që do qëndrojë në pankinë, por vetëm momentalisht, pasi situata mund të ndryshojë shumë shpejt.
Mediat italiane bëjnë me dije se tashmë ka nisur puna për pasuesin dhe në horizont ka dalë një emër mjaft i njohur. Mauricio Pochetino është papunë që prej largimit nga PSG dhe do ishte një alternativë mjaft e mirë për stolin. Futbolli që praktikon argjentinasi përshtatet shumë me mënyrën e lojës së Juventusit dhe kjo mund të bëjë që palët të afrohen akoma më shumë.
