Boksieri Liridon Fazliu ka mposhtur kundërshtarin serb, Stefan Markovic. Ai fitoi me nokaut ndaj boksierit serb në raundin e tretë, sukses të cilin e ka festuar me flamur kombëtar shqiptar dhe me një kapelë të UÇK-së.
Festa e ekipit të boksierit kosovar Liridon Fazliut, por edhe e tifozëve ka vazhduar edhe jashtë palestrës për disa orë.
“Të them drejtën nuk kam pritur se do ta mposhti me ‘KO’, pasi kundërshtari ka shumë përvojë. Mirëpo fakti që ishte serb mua më motivoi më shumë dhe doja që ta goditja fort dhe ta përfundoj ndeshjen me ‘KO’ një gjë që e arrita në rundin e 3-të. Falënderoj të gjithë që më mbështetën në këtë ndeshje, si dhe familjen dhe sponsorët që po rrinë gjithnjë afër meje”,- ka thënë Fazliu pas fitores.
Boksieri kosovar për kundërshtar të radhës do ta ketë boksierin 23-vjeçar belg, Leonardo Strynckx, me të cilin do të përballet muajin e ardhshëm për titullin kampion.
