Rusia nuk e ka ndërmend të ndalet, me sulmet e njëpasnjëshme në Ukrainë. Të shumtë janë ukrainasit që rrezikojnë jetën përditë, ndërsa një prej tyre është edhe legjenda e njohur e Milanit, Andriy Shevchenko.
Ukrainasi Shevchenko ka bërë një postim në rrjetet sociale ku shkruan se raketat e hedhura nga rusët kanë goditur një urë, ku pritej të kalonte treni në të cilin gjendej vetë ai.
“Rusia hodhi 80 raketa dhe 12 dronë kamikazë në Ukrainë. Unë isha në tren, ndaluam nën predha. Ato pak orë ishin si një përjetësi. Dua të them vetëm diçka: asnjë raketë, ose çdo lloj sulmi tjetër, nuk mund t’i thyejë ukrainasit”, shkruan ai.
