Një tragjedi është shmangur në Angli, teksa ekipi i Leeds që militon në Premier League është bërë pjesë e një incidenti në fluturim nga aeroporti i qytetit.
Djemtë e Jesse Marsch sapo po uleshin në aeroportin Leeds-Bradford pas udhëtimit të tyre nga Londra ku luajtën përballë Crystal Palace, kur ndodhi incidenti.
Një autobus nga shërbimet e aeroportit shkoi në vendngjarje dhe lojtarët dhe stafi i futbollit të klubit të Yorkshire u larguan menjëherë nga avioni, pasi kishin ndjerë erën e “plastikës që digjej”, në momentet që realizohej zbritja në pistë.
Ngjarja ndodhi rreth orës 19:30, ndërsa klubi në një reagim ka thënë se incidenti nuk ishte i rëndë dhe ka konfirmuar se të gjithë të përfshirët janë larguar në mënyrë të sigurt nga avioni.
Ndërkohë, Leeds e humbi ndeshjen 2-1. Pas ndeshjes, Marsch tha se lojtarët e tij duhet të vazhdojnë të shijojnë futbollin e tyre dhe të lulëzojnë.
“Ne duhet të jetojmë në këtë moment dhe nuk mund të lejojmë që stresi dhe frika të ndikojnë tek ne”, tha ai.
