Max Verstappen shpallet zyrtarisht kampion bote në një ditë të mbytur me shi në pistën e Suzukas ku gara startoi me dy orë vonesë për shkak të reshjeve të dendura.
Holandezi mbron titullin e fituar vitin e kaluar pasi kompletoi një garë të dominuar tërësisht prej edhe pse kushtet e oistës japoneze ishin shumë të rrezikshme. Vendi i dytë për Sergio Perez që përfitoi nga dënimi me 5 sekonda i Charles Leclerc, i cili preu vijën e funishit i dyti por zbriti në shkallën e fundit të podiumit.
Ndodhi gjithçka në pistën e Suzukas që për herë të parë këtë sezon, nisi me kronometrim të kohës dhe jo me konsum xhirosh. 40 minuta kishin në dospozicion pilotët pasi u rikthyen në pçistë 120 minuta pas ndërprerjes në xhhiron e tretë.
Ishte pikërisht Verstappen që pasi nisjes së garës, me gomat për shi dominoi Leclerc dhe më pas me gomat e ndërmjetme krijoi një distancë edhe më të madhe me pilotin nga Monaco, i cili luftoi ne fund me Sergio Perez pa pasur mundësinë e mbështetjes te shoku i skuadrës, Carlos Saniz, i aksidentuar në fillim të garës kur pista ishte pushtuar nga reshjet e shiut.
Leclerc u penalizua nga komisarët e garës menjëherë pas përfundimit por askush nuk e kuptoi fillimisht që me këtë vendim titulli u zyrtarizua për Verstappen, i cili vetë u gjend i papërgatitur kur ia komunikuan një gjë të tillë.
Vendi i katërt në këtë garë shkoi për Estaban Ocon i cili arriti të mbronte me sukses për shumë xhiro këtë vend nga sulmet e Lewis Hamilton.
32 fitore në Formula 1 për Max Verstappen që siguron titullin e dytë dhe i jep skuadrës Red Bull të gjashtin në total pasi ekipi austriak ka triumfuar edhe 4 herë në të shkuarën me Sebastian Vettel.
MAX VERSTAPPEN
TWO-TIME WORLD CHAMPION!!!#2TheMax #F1 pic.twitter.com/eOlI6B6un1
— Formula 1 (@F1) October 9, 2022
