Ukraina, Islanda, Norvegjia, Sllovenia, Irlanda, Mali i Zi, Suedia, Rumania dhe Armenia, që të gjitha skuadra që nuk kanë asnjë shans të shortohen me Shqipërinë në eleminatoret e Euro 2024. Pak orë nga shorti që do të hidhet në Nyon në orën 12.00 të së dielës, Shqipëria zyrtarizohet në vazon e tretë bashkë me skuadrat e sipërpërmendura.
Në total, në short do të marrin pjesë 53 skuadra pasi Gjermania si organizatore kualifikohet automatikisht ndërsa Rusia mbetet e pezulluar. 6 vazot jane skicuar në bazë të klasifikimit që ekipet kanë në renditjen e UEFA-s, ndërsa Spanja, Italia, Kroacia dhe Holanda do të pozicionohen në grupe me nga 5 skuadra pasi në qershor do të luajnë finalen katërshe të Ligës së Kombeve.
Kosova e vazos së katërt nuk mund të shortohet me Bosnje Hercegovinën dhe Serbinë për motive politike, ndërsa do të evitohen edhe përplasjet mes vendeve me distanca shumë të largëta.
